郑秀文赞王嘉尔系当代最杰出Rapper　考虑在港开Side Track音乐会

日前郑秀文(Sammi)作客TVB娱乐新闻台节目《StarTalk》，接受主播许文轩(Edmond)专访，大谈推出新曲加Side Track精选感受。新歌《Creo en Mi》找来王嘉尔(Jackson)合作，Sammi大赞他非常出色，更说他是当代最杰出Rapper。Sammi又说：“本身话过只做一埸Side Track音乐会，但我突然又喺度谂，如果可以喺香港搞返埸都好，因为出奇地歌咪反应好好，气氛好Warm，不过暂时未有定案。”

谈到另一首歌曲《千年如一日》，原来原本不是作给Sammi的，她说：“其实本身呢首歌系作曲嘅高皓正委托我俾个Demo许志安听，但安仔听完觉得唔系咁啱佢唱，但我觉得我好钟意，我覆返佢我可以攞嚟唱，不过要处理咗个Key先。”问到歌曲是否《不要惊动爱情》下集时，Sammi说：“其实年几前已经收到高皓正呢首歌，两首都系佢写，佢想前奏部份保留《不要惊动爱情》嘅前奏，可能对佢嚟讲有某种情意结，我尊重佢意见，所以我OK，不过对我嚟讲下集与否并不重要，同埋我都系想分返开嚟讲，最重要系首歌好听。”

专访中Sammi又大爆自己最惊面对的事，她说：“每次出埠工作执行李我就好痛苦，我亦试过可以执执下行李话唔想去旅行，听日唔想上飞机。”问到怕不怕蛇虫鼠蚁时，Sammi反应甚大，她说：“我好惊啲识飞嘅嘢，因为控制唔到，我最惊就系黄蜂！最近有次我一个人搭lift，我见到有一只蜜蜂，我非常惊恐同紧张，唔知点算，我第一时间痞低，成部Lift得我同佢，我觉得佢针紧我嘅后脑，啜食紧我嘅肌肤，我惊到成个人震晒，(最后点算？) 我以为会你死我亡，但结果佢冇死到，我亦都冇亡，大家可以和平共处，我谂我依家开始会冇咁惊蜜蜂。”