方中信被《阴阳路》编剧刘孝伟借名骗财：几万蚊都呃唔系咁好

方中信日前（8月31日）出席Tumi品牌活动，对于近来报道电影《阴阳路》编剧刘孝伟涉嫌骗财千万资金后失踪就表示略有所闻。据知刘孝伟集资拍摄电影《告别之前》成功之后，更以相同手法向其他人游说投资《瘾密》，而方中信及容祖儿更被借名为电影中的主演。

对于无辜被利用一事，方中信就说：“有听过，朋友有转发畀我，好似话用咗祖儿同我个名吖嘛。我自己都觉得好无奈啰。（你本身识唔识刘孝伟？）唔识，冇合作过。我睇过新闻佢几万几万咁去呃人，就唔系咁好啰。几万蚊都系呃系咪吖，香港地都有好多有抱负嘅人。（身边有冇朋友有损失？）我啲朋友都会问下我啦，佢哋应该冇损失，如果有损失都会揾我。（你自己有冇类似经历？）试过有人用我个名去做代言，其实我系冇嘅。试过喺网上面有一个赌博程式用咗我个样而我系完全唔知。（之后点解决？）冇得解决㗎，系啲粉丝话畀我听，我唯有交畀公司处理。”