片酬多条件好梁朝伟仍辞演《如懿传》　 刘嘉玲：佢觉得唔适合！

刘嘉玲身穿金色珠片贴身连衣裙出席护肤品牌活动，霸气十足。嘉玲姐多年来保养得宜，不时都有网友在她的社交平台留言问她美容秘诀，她日前就公开自己从不用防晒，令人惊叹不已，她直言：“我系唔防晒，因为我爬山又跑步，如果我搽防晒，又出汗我又要抹，不停抹又不停补，我觉得做唔到。其实做运动系对皮肤非常之好，劲过防晒，𠮶啲细胞会令到你好开心。”

对于有传嘉玲姐不愿老公伟仔与两位绯闻女友周迅和董洁同台，而要伟仔放弃出演《如懿传》兼1.6亿人仔片酬，她笑言：“我好开心大家对梁朝伟依然咁厚爱，咁多女仔钟意佢。我有呢个话事权，但我唔会用。我好尊重他的决定，尤其是工作，因为咁多年嚟，除了揾佢做乾隆亦有好多有好好制作的电视剧同真人秀揾佢，条件又好、钱又多同舒服，佢都推咗，因为佢觉得唔系咁适合佢。”嘉玲姐又笑言伟仔可能有拍剧恐惧：“可能佢细个喺TVB度拍嘢拍得太多，太辛苦所恐惧咗，佢话就算好多钱都冇命使，咁我都觉得啱嘅。”

至于伟仔日前受访表示想花更多时间陪家人预告会“半退休”，但嘉玲姐则表示未想放慢脚步陪伴伟仔左右：“每个人追求都唔同，佢钟意慢生活，我好尊重佢。但我好钟意探索生命一啲新嘅嘢，佢都好尊重我，开心最紧要。（你想佢退定唔想佢退？）我觉得佢系一个天才演员，加埋佢后天比咗好多心机去做，系好难得嘅演员，我希望佢唔好退休。”

同场仲有多位艺人包括徐子淇、佘诗曼、宋慧乔、泰国女星Pancake等，劲多靓相。