【婚内情】邓萃雯唔恨拍《多功能老婆》：手到拿来我唔做

ViuTv新剧《婚内情》今日（29日）举行发布会，男主角由很久没有演戏的陈锦鸿饰演，而女主角则由邓萃雯饰演。提到故事主要探讨现代爱情故事，问是否很多亲热戏？陈锦鸿直言：“其实今次身体接触系需要，更加开心系我已经好多年冇拍剧，同埋可以同咁多靓女拍感情戏，喺屋企讲唔到嘅事可以拍戏讲出嚟。”

提到陈锦鸿和邓萃雯今次属首度合作，问陈锦鸿会否觉得雯女有一种压迫感？他笑言：“其实每一个女性对于我嚟讲都好容易接近，因为我屋企本身全部都女人，屋企有两个家姐两个细妹及一个妈妈，而爸爸好早走咗，所以我好习惯同不同女性交往，佢哋唔会俾到压力我，我系好想照顾佢哋，好想同佢哋好好相处，所以呢个就系监制揾我原因。”

至于邓萃雯在访问中便分享了一件事情：“其实我想讲拍呢部戏点解会咁有气场呢？就系因为身边冇一啲可以顶到事嘅男人，自己顶得多就会变女强人，咁而家身边有一个处理得到事嘅男人，我就可以变返普通女人。”了解雯女便会知道雯女对接剧也是很高要求，问到是什么打动到她？雯女指ViuTV找她时候是很有诚意：“其实讲剧本嘅时候，我谂谂我真系好似未演过呢类型嘅戏，桥段都真系估佢唔到，同埋婚姻对我嚟讲都系几好奇，除咗演之外我仲可以探讨下，而家手到拿来嘅角色我唔会再去演，首先我唔知道做老婆系点，加上呢个仲要系不一样嘅老婆，估佢唔到，所以听故时候已经觉得好好，呢个系最大吸引力。”