首位香港艺人夺健美冠军　郭子豪感谢教练：女友曾怀疑我哋嘅关系

郭子豪周六（25日）在九龙湾出战“PCA PRO及香港健美及运动体适能锦标赛2018”，用了九个月时间操弗的他，最终在台上撼赢所有对手夺得第一名。郭子豪接受《香港01》访问时坦言正式比赛前发生不少小插曲：“我伤咗只手，缝咗20针，我以为参加唔到，但最后继续去锻炼，保持到身形，其实状态比起我想像中差少少，唯有顶硬上啦，不过𠵱家都有好成绩。”

获得冠军时心情如何？子豪直言：“喺颁奖𠮶一刻已经喊出嚟，落到台见到教练已经喊到癫，其实系开心嘅眼泪，真系要多谢好多人，当然最重要屋企人、女朋友及教练。”他坦言训练过程中有很多事情面对，幸而教练在旁辅导他：“其实佢除咗做我教练，佢亦做咗我心理辅导员、做我阿爸及营养师，点解咁讲呢？因为中途情绪好波动，有时候好开心，有时候又好唔开心，试过瘦身期间冇乜营养会令到情绪好低落，令到我𠮶个时候喺屋企冇岀过街几日，最后系教练叫醒我。”又笑指自己不可以再说下去，因为女朋友曾怀疑他与教练有不可告人的关系。

郭子豪又认为自己成为首个在健美比赛中得到冠军的艺人后，会对演艺事业有帮助：“我演艺方面可以行多条路畀监制睇，我可以操到咁样，然后又可以瘦身瘦到咁，我想话畀人听我能力可以做到。”