【全民造星】杜汶泽爆粗闹星级评判冇品　张建声懒理：我控制唔到

ViuTV选秀真人骚《全民造星》一路以来都制造了不少话题，在日前播出的一集中，节目便邀请了HMV数码中国集团主席萧定一、旗下歌手邓健泓、演员张建声、赵永洪和导演吴汉邦担任星级评判。

在ViuTV在facebook公开剪辑片段中，五位评判劲丧踩一班参赛者，其中萧定一便问参赛者Oscar：“Oscar，你觉唔觉得Oscar呢个名比较普通啲？会唔会好容易同人撞名呀？”而吴汉邦则指自己不明白为何要在台上掉帽。花姐翻睇评判意见时就愈睇愈嬲，指他们所讲的说话不但毫无意义，又不尊重台上的表演者：“火都嚟埋呀真系！”而一向敢言的杜汶泽亦与其他网友一样，对此在网上表达愤怒。

杜汶泽在facebook分享《全民造星》片段便将矛头直指萧定一等人，更爆粗闹一班评判黑心：“其实踩人边个唔识吖？不过照镜就唔系个个都识喇......有啲人我系一世都唔会睇得起，做人无X用好小事，黑X心兼无品𠮶吓大件事。”又写了“Hashtag”，包括：“#我觉得萧定一个名好普通”、“#未睇过𠮶个咩张建声啲戏”和“#𠮶个鬈毛我直头唔XX识”。

在片段中暗示参赛者发型不济的张建声接受《香港01》访问时，便指自己对杜汶泽的评论没有太大感觉：“其实唔止我哋，每一个睇嘅观众都系评判，而大家嘅要求、角度都唔同，所以接唔接受到我哋嘅睇法，我哋都控制唔到。”他又指片段经剪辑后，与事实情况有所出入：“其实我哋系有讲到各位参赛者嘅优点。将心比己，你叫我出去唱歌跳舞，我都会好似唔知做乜。”提到刘美君听到他们的评语后在后台爆“顶你个肺”，张建声谓：“如果我系导师，睇到自己班仔咁样畀人批评，我都会嬲到爆。不过，做得评判就要客观，睇到咩就会讲咩。今晚（24日）播出𠮶集，睇肥仔（梁业）表演我系睇到起晒身拍手掌。”