高层郑善强为《TVB周刊》停刊传闻解画：要配合社会改变去检讨

电视广播 (0511) 今日公布中期业绩，半年纯利为2.01亿元，内容亦有提到已经出版了21的《TVB周刊》印刷本或将由网上版取代，但就未有实际停刊的日期。身为电视广播有限公司总经理的郑善强，今日出席TVB明珠台新节目发布会时，就为有关《TVB周刊》的印刷版将要停刊的说法解画。

郑善强表示：“件事嘅起因系公布中期业绩时，提到公司转型会作出多方面嘅改善同检讨，其中一项系纸媒应否数码化，另一个系厂景已经愈来愈少，变多咗外景，仲有一项就系mytvsuper嘅运作模式，依家观察钟意点播式去睇节目。公司系要配合社会需要同改变去检讨，但就未有落实话要停刊，亦都无实际时间表。(有传话TVB8将会喺8月底9月头停播？) 呢项都系检讨范围内，公司正不断求变，希望迎合到市场需要。”

他又否认TVB蚀了好多钱：“唔系蚀，公司上半年赚两亿。”至于有指今年连台庆都将会取消，由Big Big shop大卖会取代，他即否认说：“一定唔会，台庆呢样就唔需要检讨，系TVB每年一度嘅盛事嚟，咁可以又有台庆，又有大卖会嘅，两样都举行无冲突。”

另外，提到今届香港小姐决赛举行在即，郑善强坦言并未有留意20位候选佳丽，但就透露今届将有新玩意，他说：“详情唔可以讲住，我哋仲研究紧，总之就系有新玩法，由观众话事，有某个决定系可以全民投票嘅，希望观众可以有更高嘅参与度，睇得更加投入，到时我都会玩埋一份。”