黎诺懿陈敏之为慈善出力　拍片当日先知对方唔止同事咁简单

娱乐圈话大唔大，艺人之间除咗工作伙伴，唔少仲有特别关系。陈敏之同黎诺懿相识十多年，曾经合作多套电视剧，除咗系同事原来仲系校友。呢次佢地应王贤志（Vinci）邀请，为东华三院卖旗日拍摄宣传片。敏之及诺懿虽然老友鬼鬼，但原来佢地事前都唔知对方系东华校友，敏之是东华三院冯黄凤亭中学的旧生，而诺懿是东华三院邱子田纪念中学的校友，真系相当有缘。

敏之忆述读书时一定要做卖旗义工，因为卖旗日系学校盛事，老师会积极招募学生做义工，仲会预早约定学生义工时间收旗袋同旗纸。敏之表示卖旗日亦系难得一日妈妈会爽快批准她出外，因为是做善事帮到人。敏之仲话有机会一定会带囝囝子乐一齐卖旗，从小培养做善事帮人踲习惯。

至于诺懿亦表示中学时一定要参与卖旗日，佢记得当年一大早就要到学校附近，拎着旗袋及纸旗向市民劝捐。佢表示当年十分落力卖旗，一方面当然是想筹多些钱，另一方面是跟同学斗快卖旗斗威水。