【好想睇】惠英红首演舞台剧即做百老汇经典：紧张到爆微丝血管！

惠英红今日（22日）以一身黑色喱士连身裙出席品牌活动，她最近正在与内地导演陈凯歌的儿子陈飞宇拍戏，两人饰演一对母子，讲起呢位囝囝，红姐也赞不绝口：“非常之有才能，同埋好靓仔，好高，好细个，19岁，又识唱歌，又识乐理，同埋英文、中文、法文乜都识，好犀利。”

红姐的舞台剧处女作《玻璃动物园》将于12月上演，虽然她演戏经验丰富，演技了得，不过首次挑战舞台剧也令她大呼紧张：“我个脑不停喺度Repeat𠮶个剧本，因为个剧本真系好厚，咁我四肢全部嘅微丝血管爆哂，哇我第日起身我好惊，做咩点解咁样，跟住只眼一边又红哂，好大压力呀！”红姐贵为金马、金像双料影后，竟然也会被此事难倒？“其实舞台剧我系第一次做，同埋系做一个咁出名嘅名著，𠮶下原来咁多嘢讲，同埋咁大嘅变化，所以唔想差啰。”

由发布的海报来看，红姐身著旗袍，眼神略带伤感，未到正式演出已经引人入胜：“其实呢个喺百老汇已经系一个几廿年嘅舞台剧嚟嘅，经常被翻做返嘅，系讲外国旧世纪嘅一家人，而家就转咗喺香港嘅60年代嘅一家人，咁每个人嘅性格都唔同，做苦妈咁样。”