【港姐2018】呻一连串训练太艰苦　杨帆：体能应付唔到怕顶唔住

20位入围港姐候选佳丽现身将军澳为《2018香港小姐竞选》宣传造势。一众佳丽穿著泳装会见传媒，看来各人状态不俗。大会特别请来星级评判黎诺懿、李施嬅颁发“友谊小姐”奖项，由20位候选佳丽投票选出，胜出佳丽是8号陈静尧。

港姐选举本周日举行，一众佳丽马不停蹄接受一连串艰苦训练，为选举当日作好准备。杨帆（krystal）表示：“依加日日都要练舞，因为要比赛关系，有好多只舞要排练，时间比较长，相对休息时间又要少咗，都担心当日选举嘅时候，体能应付唔到，怕顶唔住。”

今届《香港小姐竞选》将会全民投票选出谁是心目中港姐冠军，唔知Krystal点样突围而出，增加票源呢？“其实呢样嘢我自己都好紧张，因为我由内地来，香港又冇乜朋友，我啲朋友都好支持我，都会帮我宣传一下，都会叫啲亲戚投票支持我，自己都会喺IG社交网分享一啲生活近况，让网民认识我多啲。”