【港姐2018】黎诺懿盼港姐“红馆”举行：保留传统变番香港人嘅事
撰文： 林通贤
出版：更新：
20位候选佳丽现身将军澳为《香港小姐竞选》宣传造势。今日（21）大会安排20位候选佳丽穿著泳衣到泳池边，会晤各大传媒采访，众佳丽状态大勇。紧接20位候选佳丽投票选出心目中最具“友谊小姐”，得奖喺陈静尧（8号）并由星级评判黎诺懿、李施嬅颁发奖项。
《香港小姐竞选》曾经试过在红馆举行，是香港人的大盛事，随著时间改变，如今已变成小盛事。星级评判黎诺懿坦言：“我自己比较支持传统啲嘅选美方式，始终香港小姐一年一度，虽然改革喺好嘅，但有时有啲嘢偶然要保持传统啰，好似以前香港小姐都会喺“红馆”举行，都喺一种尊重，见到一班女孩子为咗选美，又要减食减磅，只喺畀得一晚人睇，所以我希望可以搅番大盛事啲，变番香港人嘅事。”
港姐星级评判李施嬅今日发烧带病上阵。“今届港姐个个都好平均，每一个都好靓，反而我今日个状态就好差，成身都肿哂，因为我去马拉拍嘢，食咗好多榴莲，食咗好多咸蛋黄同啲煎炸食物，前几日成块面生晒粒粒，面又肿啦，稍后我哋会去非洲旅行，琴日同姚子羚一次过打咗三支防疫针，琴晚就跟住发烧。”