符晓薇陀B患感冒拒就医　陈柏宇：佢信网民都唔信自己医生

陈柏宇（Jason)周一（20日）现身商台为新歌《认真如初》宣传。早前Jason声带爆血管引致受伤，曾一度停工，过经一段时间休息，新歌终于面世，真喺有血有泪。“录呢首歌真喺风风雨雨，谂住录音前几日，声带突然爆血管，之后休息完再录，跟住又感冒，不过最终完成。”

Jason太太符晓薇（Leanne)陀B女8个月，预产期10月，近日太太感冒成个星期，坚持唔食药睇医生，怕影响胎儿，令Jason担心不已。“佢又唔肯睇医生食药，上网听啲人讲话唔好食药，我就觉得睇医生喺最好，又唔见得佢咁辛苦就会对个BB会好，我又唔可以迫佢去睇医生，只会不停咁游说佢去睇，一个同你开刀生仔嘅主诊医生都唔信，去信网上嘅人，佢今日最终book咗去睇医生，佢去睇医生咪好啰，医生唔会害佢㗎嘛，佢养好个身体，Bb营养先会好，佢身体唔好，Bb健康咪又喺唔好。”

初为人父Jason，为迎接新生命，大部分婴儿用品都准备好哂，英文名都改埋，不过Jason就话要保持神秘感㖞。“暂时就唔想公开透露住，英文名会用A字头嘅，不过呢个秘密迟早都会知，中文名方面自己都想过揾风水师去改一个有意义嘅名，虽则我唔喺一个迷信嘅人，但做咗又心安理得就何乐而不为。”