方力申记忆力开始衰退 原因同小朋友有关？
撰文： 赖家杰
出版：更新：
大忙人方力申（Alex）一直以工作行先，佢开办嘅游泳学校更亲力亲为做埋教练一职，Alex透露做教练真系好辛苦：“我想同各位小朋友讲，要爱惜教练，因为游水教练唔只系教一个人，又要经常浸喺泳池同埋日晒雨淋，同埋假日教练番朝九晚六，食饭只得15分钟，所以其实会很累。”Alex坦言自己同其他教练食饭时间差不多。
教游水接触小朋友之外，其次接触最多就系小朋友家长，问到Alex有冇遇到怪兽家长？Alex笑言什么类型都有：“佢哋会问我好多，譬如点先可以游得我咁好，我会唔会教导佢哋等，我自己都希望每一班都照顾到，我记忆力开始记唔到太多事，因为我要记好多学生名，所以我呢一段时间有两百几名学生，咁我暂时都记到几十个嘅，其实都好开心㗎啦。”再问到有冇俾小朋友父母闹？Alex笑言有，不过系闹佢哋嘅小朋友而唔系佢。
做教育Alex直言与其他生意相当大分别：“就算蚀钱你都会觉得好有意义，因为睇到小朋友嚟游水好开心嘅样，少学生嘅时候你会多时间同佢哋接触，如果多人嘅时候咁代表生意好咗，呢个感觉好有趣。”问到感情生活方面，Alex完全唔担心：“好多家长成日同我讲，有事业爱情就会嚟，呢点系好嘅，所以我会努力继续喺泳池浸。”