古天乐谋拍《刑事侦缉档案4》电影版　“我冇版权要问番版权人”

古天乐今晚（17/8）现身尖沙咀举行著名品牌彩妆派对。最近无线深夜重播《刑事侦缉档案4》，剧中古天乐、宣萱及佘诗曼一起联演，事隔十年，有冇考虑过开拍电影版？古仔直言：“首先如果我收工都会返去睇嘅，因为都系几好回忆嚟嘅，咁有10几年无拍过电视剧，睇返都会有好多回忆出现番，至于套剧会唔会拍电影版，要问番电视台𠮶边，因为个版权喺佢哋度，如果好嘅电影，我个人都会参与拍摄。”
 

古天乐名曲《今期流行》当年唱到街知巷闻，近日网民反抄当中正确歌词是“追命林琴”，并非“椎名林檎”，今日古仔被大批记者访问到究竟是“椎名林檎”定“追命林琴”？古仔笑说：“你自己讲多次呀，你讲咩呀，其实睇个人喜好啦，你钟意‘吹’咪‘吹’啰，你钟意追咪追啰。”令在场所有记者啼笑皆非。