【港姐2018】未到决赛佳丽已经分党派？　1号兰倚婷：约埋食米线

《香港小姐2018竞选》进入最后倒数阶段，20位佳丽今日更齐集珠宝店内试戴珠宝首饰，每位候选港姐戴上钻石首饰之后更显得高贵大方。今日大会更特设小型Catwalk Show环节，每位佳丽需戴上珠宝走秀，再由其他佳丽选出心目中最靓的一位。而这个比赛中，就由1号兰倚婷（Grace）获票选胜出。兰倚婷（Grace）接受《香港01》访问时说：“非常开心，因为都冇谂到系自己攞奖，好多谢其他佳丽。”

又难怪嘅，原来兰倚婷在佳丽之中人缘也十分好，再加上职业是一名形象顾问，所以得奖也是正常事。兰倚婷说：“其实我同其他佳丽私底下都好friend，会一齐食饭倾计，佢哋又会教我广东话。”放工后，原来一班佳丽都会约埋一齐食饭。“都唔一定㗎，我哋去得最多嘅系喺将军澳食嘢，因为近公司嘛。（对上一次食咩？）米线，因为唔系好肥，同埋好好味，哈哈。日本嘢，鸡翼吖，同埋雪糕。”问到与哪一位佳丽最好朋友时，兰倚婷回答说：“其实大家都差唔多，今日可能同呢几位，听日就同呢几位，有时间就会一齐食。（边几位最常一齐食？）最多就系Yutori（工藤佑采）同埋Amber（邓卓殷），仲有Kathy（庄嘉慧）同Stephaine（李芷晴）。”

除此之外，兰倚婷更说好多谢其他佳丽时常纠正她的广东话发音。“我时时都讲唔准个音，佢哋听到就会一个字一个字教我，唔单止佳丽，连工作人员都会好耐心教我。”她表示自参选之后，广东话已进步不少。