【广告女皇】曾任选美评审　倪晨曦见尽佳丽斗争：批踭争位一定有

人气女神倪晨曦（Elva）近日担仼ViuTV全新节目《Good Night Show广告女皇》评审，Elva直言为参赛者评分，不单些看才华：“我要睇佢哋认真嘅程度，另一样睇佢哋嘅为人处事，呢项都会占我评分好大嘅一部份，点解我要咁讲呢？因为我之前都做过选美评审，做其他比赛评审我睇到好多，睇到有啲女仔竞争心好大，太想赢，佢哋会做一啲事令人唔舒服或者佢哋好势利，我会觉得一个女仔系唔系真心对人好好，人品呢样好重要。”言即批踭、争位是否经常发生？Elva笑言：“其实一定会有，或者大家争企中间，影相要好突出，或者对工作人员态度唔系咁好。”

问Elva当年参加选美的时候，有没有发生遇到类似情况？“当年唔觉得有，当时加拿大参加比赛，好多年前，大家都好单纯，唔会发生呢类型情况，但事后有工作人员同我讲有啲女仔唔系我想像中咁友善，私底下唔系咁好，但我参加比赛时我觉得所有人都好好。”Elva更指自己本身不好竞争的人，不会因为落败要大喊大叫。

今日（15日）Elva 31岁生日，生日正日都要开工，系因为乜呢？系因为太过热爱工作？Elva坦言生日开工系一件开心事：“可以大家一齐唱歌，加上我之前返完多伦多，同孖生妹妹一齐食蛋糕同庆祝生日，其实已经好满足。”除了跟孖生细妹庆祝外，问到男朋友有没有表示？她透露昨日已经同他及一大班朋友食饭，“其实佢唔需要点送礼物畀我，不过佢送咗松池熊嘅礼物畀我，因为我好钟意，佢都做咗少少心思，喺食饭地方布置好多事，我觉得有呢份心已经OK。”