《森美旅行团》丁子朗大只仔唔易做：养住嚿肌肉难过减肥好多

全新一辑的《森美旅行团》昨晚播出了第二集，今集终于齐人喇，四位主持包括森美、丁子朗 (Karl)、麦美欣以及吴若希，而Karl更是呢集的亮点所在。身为2016年香港先生亚军，现年只有21岁的Karl，同森美一齐全裸上阵浸温泉。作为嫩口小鲜肉的代表，Karl操得一副大只仔身形，就连同样爆晒肌的森美都大赞他。

Karl本身都有操肌，至于可有因为今次要全裸出镜而再加紧操练？Karl接受《香港01》访问时表示：“紧系要啦，森美大哥咁大只，我拍埋去唔可以有太大对比㗎嘛，同埋唔可以失礼香港先生。我系3、4月收到通知要拍呢个节目时，就每日都去做gym，总之一有时间就做，去谷一谷啲肌肉唔好畀佢缩细。”

不过Karl是临出发前几日先知道要浸温泉晒肌，他说：“但系我一早预咗啦，去得日本京都点会唔浸温泉？(今次系你幕前演出最性感一次？) 绝对系。我都好满意出嚟个效果，今次亦系我入行以嚟拍得最开心嘅一个节目。”如果大家仲想再睇Karl骚肌，他们之后有一集会在露天水霸度浸温泉的，到时可以再encore。

对于Karl来说，由于他天生瘦底食极唔肥，所以不需要刻意keep fit，要练到8旧腹肌亦非难事，他说：“我原本系排骨仔，本身个肚好易见到腹肌线条，做sit up谷大啲肌肉就得，通常一次做百几二百下。我天生瘦底食极唔肥，对我嚟讲养肌肉难过减肥，有时饱到上心口都要夹硬食多啲肉同蛋白去养住啲肌肉，练大只好辛苦。我有条橡筋可以去到边都拉下嚟操肌，平日喺屋企可以拉，去旅行都会带埋去。呢条橡筋好紧要，可以练到胸、背同手臂，而且方便携带。”大家在节目中见到Karl拉那条橡筋就是他的私伙。

仲有其他Karl嘅大只仔靓相㗎。