《解决师》陈敏之感恩遇上好拍档　兼顾工作家庭牺牲睡眠时间

陈敏之刚刚加入《解决师》成为剧中演员，今次监制揾到陈敏之加入之余，亦新加入唐文龙，敏之表示今次二人系继《溏沁风暴》之后再合作，“上次冇得同佢（唐文龙）开花结果，咁今次好好，监制俾我同佢拍拖，今次下场都会好好多。”

陈敏之剧中饰演一名女强人，角色系一名好人，但讲到难忘事，敏之直言一定系同呢一班演员合作：“今次依然见到浩信，亦系第一次同诗咏合作，剧中每个演员好和谐好开心，我哋剧中更有好多新演员，咩类型都有。”

敏之除左忙剧集更忙于主持工作，工作以及家庭又点兼顾呢？敏之自称自己做“超级妈妈”不眠不休，“我可以话俾你听，我寻日开戏都开到凌晨四点，番到屋企都六点，但我11点几已经起身带佢去玩，咁我利用我休息时间陪佢，因为可以陪伴佢成长，如果好似我咁要兼顾两件事，必须要自己辛苦少少，不过我宜家经常提醒自己身体健康，因为我病咗嘅时候会传染俾儿子，唔可以同佢有亲密接触，所以我唔可以病。”不过敏之咁辛苦都冇考虑过要减轻工作量，敏之直言出道后工作上冇停过。