【港姐2018】陈静尧发型激似米雪姐 自嘲系“Lion”:试下新嘢

撰文: 林迅景
出版:更新:
唔少网民都笑陈静尧佢系“得罪咗发型师”。(大会图片)

《香港小姐2018竞选》进入决赛月,相信每位佳丽都已经做足准备迎战。日前TVB就发布了一系列的佳丽官方造型照。虽然靓唔靓就见人见智,不过该辑造型照随即就被网民热烈讨论,有不少网友更认为造型渗出阵阵“大妈味”,其中8号的陈静尧(Claudia)的发型与米雪姐有九成九相似,形容是“得罪咗发型师”。

连陈静尧自己都笑自己系狮子,冇返咁上下EQ真系做唔到。(网上截图)

不过陈静尧在个人Instagram上说笑自嘲为“Lion”(狮子头),真系有EQ又谂法正面。Claudia接受《香港01》访问时说:“我觉得一幅相一个造型,试下新嘢冇乜问题。我个人系钟意改变,唔试过唔知适唔适合自己。(自己觉得适唔适合?)我觉得都啱我,都衬得起。(系个发型衬你,定你衬个发型?)两样都衬,哈哈哈。”如果陈静尧认为这个突出的发型适合自己的话,又会不会考虑转个形象维持这个发型?她回答说:“我个人真系唔会咁夸,因为佢(发型)真系走High-end Fashion。我个人出街系比较单调同Simple。”睇真啲,虽然“Lion”好特别,但系都系平时个发型衬佢多啲。

陈静尧真人个发型其实低调好多。(粱碧玲摄)
+1