黎诺懿感激郑伊健义气相助：我哋𠮶种情，一见面就系兄弟！

凭住无线处境剧《爱‧回家》饰演马壮一角而人气爆升的黎诺懿，近年在电视圈愈捞愈掂，去年更正式跃身成为TVB一线小生于多套剧中担演男一的角色。不过他之前接受访问时都有讲过，自己入行以来绝非一帆风顺，有霉过穷过挨过，亦曾经住过㓥房，甚至要食面包同即食面度日。他日前接受电台访问时，就重提呢段辛酸史，还特别多谢好兄弟郑伊健于当年帮助过他，又大爆了两人之间的一个秘密。

诺懿在访问中透露他和伊健是经另一位朋友认识的，他直言﹕“我真系要好感谢郑伊健喺我身边出现过。我要透露一个秘密，喺我最霉嘅时候，伊健会叫我去佢屋企拣衫，因为佢好多衫都只系着过一次，着完就会送俾我。佢仲话：‘嚟啦！啲衫我都唔要，过嚟拣啦！我净系喺大陆着过，香港唔会知嘅。’佢真系好似一位大哥哥关照住一位小朋友嘅成长一样。”伊健果然好够义气！

诺懿话当年他与伊健两人由一起去滑水，到后来一起拍剧，还会一起打羽毛球，成为了多年的老友。不过近年已好少见面，他说：“到咗今时今日，或者我哋依家系比较少见面，但𠮶种情，一见面就系兄弟！”有指诺懿更一手撮合了伊健和蒙嘉慧，唔通是为了报恩而给伊健送上蒙嘉慧做老婆？诺懿表示：“佢哋系经我介绍一齐打羽毛球而认识嘅，但能够走埋一齐系佢哋嘅缘份。”

黎诺懿住过㓥房面包吊命 5亿驸马都挨过穷：人生唔应该顺风顺水