吴若希激罕公开囡囡正面样　网民大赞可爱兼温提唔好成日食奶嘴

吴若希 (Jinny) 向来都好保护爱女淼淼，虽然经常于自己的IG上载同囡囡的亲子靓相，不过就从来都唔会公开囡囡个样，每次不是Post囡囡的侧面相或背面相，就是加公仔去遮住囡囡个样，总之就唔畀大家睇到囡囡咩样。而Jinny上年就曾经因为被人Post了囡囡的正面相，令到她于facebook大闹对方“屎忽生上脑”，还unfriend以及block了对方，可见她有几咁保护囡囡。

不过呢日Jinny竟然首度于ig公开了囡囡的正面相，可以睇到她囡囡成个样的。拍照当日Jinny同她主持的无线节目《森美旅行团》一班工作人员饭聚，仲带同囡囡一齐出席，她留言表示：“可以和这班台前幕后合作，应该是我几生修来的福，每次见面，都会笑到哭。”又落Hashtag帮该节目宣传，但粉丝同网民的焦点都落在她囡囡身上，大赞淼淼可爱，亦有人温馨提示Jinny唔好畀囡囡成日食奶嘴。