【Plan B‧专访】王宗尧戥大台员工拍胶剧辛苦：参与过都话戆嘟嘟

由王宗尧、陆骏光和吴嘉熙演出，孔令政担任总监制的ViuTV剧集《Plan B》昨晚（10日）播出大结局。除了大结局外，ViuTV亦在其网上平台公开第21集“另一个结局”，让观众有另一个体验，而其实剧集本身对于剧组而言已经是一个崭新尝试，王宗尧和孔令政接受访问时亦指拍摄难度的确好大，但整个过程都对得住自己。
发型：Marcus@essensuals.hk（王宗尧）
化妆：Christy LAM（王宗尧）
服装：Levi's（王宗尧）
场地：香港九龙贝尔特酒店

《Plan B》成件事都系Plan B嚟，无论创作到拍摄，拍摄到后期，都系Plan B嚟。

访问当日，主角之一的王宗尧（Greg）和总监制孔令政（James）均好直接指自己好喜欢《Plan B》这套剧集，但外界反应可以说是非常两极，有人就大赞剧集创新大胆又够贴地，有人却指节奏未够快画面重重复覆。其实回头一看，孔令政亦不讳言觉得剧集有很多进步空间：“我唔系好多地方都好满意，作为创作人，你创作咗个作品出嚟系完全满意，你基本上唔需要再做下一个作品。”他坦言如果沟通多点，又多啲时间去作最后调整，效果会更为理想：“其实我哋都好癫，每日基本上拍成十几场戏，一般电影每日拍三四场，如果系剧嘅话七场已经好夸张。”其实搞到咁Chur咁紧逼，原因只有一个：“钱”。当然，两人都没有透露到拍摄成本的实际数字，孔令政仅说：“极度少钱，系一套温馨浪漫小品嘅预算拍一套黑社会仇杀片，但系我哋冇将货就价。”而剧集本身的半小时框架亦令制作难上加难，孔令政说：“当然我唔系话一个钟会易咗，但半个钟、一个钟都会令到成个剧集嘅风格唔同。”

好多观众都觉得《Plan B》前段不够明快，王宗尧承认该部分好可能会考起观众的耐性：“佢哋会谂‘到底入局未呢’，我自己系觉得有趣，但系而家香港人网上有咁多嘢睇，其实都好容易会选择弃剧。同时觉得假如你可以畀到耐性睇完前面嘅铺排时，真正嘅戏肉就会开始。”

提到《Plan B》在元朗取景，当中包括边陲区域的荒山野岭，王宗尧坦言剧集所呈现的元朗与普罗大众所认为的元朗大有不同：“我哋都即系游客，其实我哋搭西铁入去睇到嘅元朗，同真正嘅元朗以及元朗嘅地下世界系两个世界嚟，我哋套剧就系想畀人睇到呢个系另一个世界。”两人均笑指元朗这个社区比起想像中团结，就算是主景“黑屋”、货柜场，以至流浮山的鸡伯岭、深圳湾桥底，都经常有乡绅、“负责人”时常前来巡视，王宗尧说：“佢哋好热心！我哋有场戏要去鸡伯岭度拍，得一条支路走上去，𠮶个位直头系望到深圳湾咁偏僻，但系我哋只系拍咗五分钟，就已经有三个‘负责人’嚟关心我哋做紧乜、系咪拍紧嘢。”起初可能有阻力，但拍了一段时间后其实一班“负责人”是好欢迎他们前来拍摄，孔令政说：“有啲会行埋嚟讲，‘我都有睇ViuTV，我好支持独立制作嘅’。其实主景嘅货柜场系一个叫邓伯嘅街坊义务借畀我哋，所以唔系话畀个租金就大晒，都要有啲人情味先可以喺元朗拍到嘢。”

其实《Plan B》都对白上亦非常踩界，例如首星期已经出现“DQ”等牵涉政治、民生的话题，王宗尧和孔令政均笑指其实这些对白根本在日常生活上会讲到用到，只不过好多时是因为创作人未拍之前已经自我审查。提到这个似乎是TVB剧集的问题，曾在无线担任副导演的孔令政便指自己当初离开TVB，都是因为自己想贴一些贴地点、似现实的剧集：“同埋喺TVB，做导演就局限喺做导演工作上，我而家系可以睇晒成件事，做埋监制、做埋编剧，一间好成熟嘅机构系冇呢啲机会。”

虽然，王宗尧大赞TVB而家有改善，尤其是See See TVB能够在网络上占一席位是值得一赞，不过TVB有好多根本问题未有解决：“佢哋制度、山头文化系一时三刻好难改变，而家系离开咗我哋本身嘅香港好多。我明白某一啲年代系需要呢一类嘅剧，因为而家个社会风气咁差，大家咁无力，系需要一啲唔使用脑嘅或者轻松嘅题材去缓和个气氛，但系我听好多喺里面拍剧嘅人都好辛苦。”千篇一律、离地绝对是恒常事，因为旧人离开夹格推新人上位更是屡见不鲜：“下面嘅人好多怨言，啲导演太新但你又夹硬推佢哋上去，一套剧四个导演，前面一个拍咗咩又唔知，唔知又唔沟通，参与过嘅都觉得戆嘟嘟，但因为系上头指示，你冇权改变，剪埋出嚟就变胶，仲要系真心胶。”

讲起陈家乐之前凭《逆缘》瞬间入屋，问王宗尧其实会否恨入无线拍一两套剧浸一浸开开客源，王宗尧坦言需要不大：“的确喺无线拍过剧形象系会正面好多、Friendly好多，但我净系想拍返啲人性化嘅嘢。我唔系唔恨入屋，大家都想有更多工作机会，都想多啲人认得你、见到你会尖叫，但我好享受喺铜锣湾街边笃鱼蛋呢样嘢，入咗屋后某个阶段系做唔到呢啲，要过咗个阶段先做得返，好似青云、发哥咁先得。”