苟芸慧“幸福瘦”仍然不满：女生永远都唔会满意

准人妻苟芸慧昨日（10日）出席香水品牌活动，每次苟姑娘出席活动，感觉上佢每见一次就瘦一次，苟姑娘对自己而家嘅身型满意未？苟姑娘笑言女生永远都唔会满意自己身材：“不过最近真系健康咗好多，自己心态可能开心咗，好多人赞我唔同咗。”其实苟姑娘嘅变化系乜？系太幸福？苟姑娘直言：“笑得多咗，其他人觉得我好Sweet。”

婚礼即将来临，紧张未？苟姑娘表示十分期待：“好多事情唔知道系点，好多事情系佢（陆汉洋）处理，所以好期待有一个好Sweet嘅婚礼。”咁苟姑娘渴望要一个世纪级婚礼？苟姑娘直言唔需要：“我哋希望细规模啲，可以同每一个嘉宾有交流。”

早前“处女党”一众好姊妹相约聚会，将照片发布上社交网站，相中唯独缺少喺加拿大安胎嘅钟嘉欣，不少网民误以为王君馨、岑丽香、李亚男及苟芸慧出国旅游，苟姑娘回应：“其实我哋想去旅行，但大家好难夹时间，所以只揾到一个食饭位好似旅行咁。”苟姑娘讲到女生围绕讨论话题，你懂的。