邓萃雯接拍ViuTV新剧撼无线 谈善言放心绝无“飞纸仔”发生
撰文： 赖家杰
出版：更新：
谈善言（Hedwig）即将为ViuTV新剧担任主角，问到角色方面，Hedwig回应：“今次自己饰演年轻插画师，我会介入成为邓萃雯及陈锦鸿婚姻里面嘅一个第三者。”Hedwig第一次能够同邓萃雯合作十分期待：“我仲未见过佢真人，嚟紧过多一星期就会见面，我听其他人讲佢好Nice，我相信会学到好多嘢。”
Hedwig谈及能够与邓萃雯合作已经好紧张：“我觉得佢眼神好凌厉，而且佢一行出嚟就有一种气势。戏中佢亦系一个女强人，不过我戏中都系好有自我风格嘅人，同佢对戏唔可以怯，所以好紧张。”紧张嘅另一个原因会唔会系因为由细睇邓萃雯大？Hedwig笑言我哋唔可以讲呢啲。
其实有报导指ViuTV打动邓萃雯接拍呢一套剧原因系剧本齐全，Hedwig亦指其实自己今个星期已经收到剧本：“我慢慢睇紧，集数都好多，写得比较细致，所以会慢慢睇。”剧本齐全所以唔会有“飞纸仔”呢类型情况发生？她表示：“唔会啦，我收到已经系一叠剧本，好齐全㗎。”