【兄弟大茶饭】萧正楠感谢曹永廉神助攻 曾因一句说话不敢说笑
萧正楠和曹永廉这对孖宝兄弟主持的节目《兄弟大茶饭》自出街后反应甚佳，不少观众边睇边笑，大赞两位主持烹饪功力有返咁上下外之余，亦盛赞互寸互窒的场面劲有火花。昨晚（9日）播出的一集中，萧正楠和曹永廉便为正于深圳开工的《白色强人》剧组煮外卖，当他们在煲红枣桃胶圆肉雪耳糖水时，萧正楠便向观众介绍桃胶是桃树分泌物，对女性特别有益，讲完后他即讲踩界对白：“其实我啲分泌物都可以俾女性食用！”曹永廉听到后即加多把口拉对方女友黄翠如落水：“你净系畀一个人食㗎啫！你无端端讲啲咁嘅嘢，出唔出得街㗎？”非常搞笑。
其实，萧正楠近年的搞笑功力确实是进步不少，无论在综艺中还是剧集中，其喜感都能够收放自如，总能令观众捧腹大笑，以《超时空男臣》（2017）为例，饰演“袁崇焕／云大军”的他就算普普通通行步路已经充满住戆直喜感。问这种多变的喜感从何而来，萧正楠接受《香港01》访问时便答谓：“我真系几钟意搞笑，呢啲可能都系我老窦遗传畀我，我唔敢讲自己有喜感，我净系钟意同老廉乱噏廿四啫！”
即使父亲早已2004年逝世，但萧正楠仍然未有忘记到对方的搞笑事迹：“佢面皮好厚，好钟意成日拎身边朋友嚟开玩笑，佢系家族里面嘅笑弹嚟，依家个波就交咗畀我。（会好似你辣着咁阿廉咁辣着啲朋友？）十次里面都有一、两次辣着，佢知衰嘅时候都会好诚心咁道歉，但系过一排后佢又会搞返事，哈哈！不过，日子长咗所以朋友都会知我老窦系大细路一名，冇人会同佢计较。”他亦觉得现时既识得去搞笑又学到如何开心生活，父亲应该好安慰：“无论佢喺边，我都希望佢见到今日嘅我生活得好开心，唔使再为我担心。”
【兄弟大茶饭】萧正楠曹永廉打造下半年最佳综艺 贱格对白逐格睇
不过，萧正楠坦言有一段长时间不敢搞笑：“初初入行唱歌𠮶阵，就系因为懒系搞笑，得罪咗人都唔知，我有好多年都唔敢乱讲嘢，直至老廉喺我人生里面出现，先至我嘅搞笑性格带返出嚟。希望我同老廉，某日可以有星爷（周星驰）、达哥（吴孟达）嘅十份一火花。”
如果大家对娱乐新闻认识够深，应该会记得萧正楠2002年时初入乐坛即横扫各大新人奖的威水史，当时唱片公司高层李进在一个庆功宴上恭喜他成绩斐然，萧正楠即回敬一句“邪不能胜正”，心想数个月前李进接受周刊访问，文章标题正是〈邪不能胜正〉，既可以恭维对方又能够搞搞气氛，岂料有传媒借此大造文章，话他影射同期出道的麦浚龙，有传闻指萧正楠因此遭到封杀而被逼转战内地。不过，以上所述已成过去，萧正楠亦放胆去搞笑。