【余德丞昏迷】好消息公布！　旧拍档李雯希：脱离危险期

余德丞与友人踢波后突然晕倒昏迷，送入医院深切治疗部留医，令全城忧心忡忡。直到傍晚六时许，曾与余德丞合作主持儿童节目《Think Big 天地》的李雯希到达医院了解情况后，为大家带来好消息。

李雯希接受访问时称从余德丞家人以及经理人口中得知余德丞目前情况稳定，她表示：“Dickson屋企人同经理人都话佢依家情况稳定，个消息都系证实咗，咁我哋成班同事都安心。〈你自己本身见到佢未？〉我未嘅，佢哋都废事畀朋友入去。〈知唔知Dickson爸爸有无嚟呀？〉咁我唔清楚，我见到佢妈咪。〈咁佢有无擘大眼？〉我哋成班朋友都唔入去，净系问一问候佢屋企人。”

李雯希又称最近好少与余德丞见面：“我哋喺个手机聊天群组比较多，同一班同事。〈佢有无话佢身体有咩问题？〉佢经理人话佢最近的工作真系好繁忙，我哋都估到系咁。〈咁依家系咪清醒？〉稳定，清唔清醒就未知，知佢休息紧，everything OK，检查咗。”她又代表余妈妈好坚强：“Auntie比我哋安心。〈Auntie心情点？〉佢话多谢大家关心，但几开心见到Auntie好坚强，同埋大家心意佢都收到。”