【Plan B．专访】陆骏光入行16年终上位做主角：系我主动Cast返嚟

陆骏光在ViuTV剧集《Plan B》中饰演一个杀人不贬眼的杀手和“清道夫”，花尽心机投入角色的他更为此而冒住脱发危机去漂白头发，牺牲不少。不过，他绝非由始到终都如此“去到尽”，刚刚加入无线做演员时更“Hea住做”足足9年，而他坦言这个便是自己被投闲置散的主要原因：“其实你真系唔怪得TVB……”
场地：Homemade Party
造型：Cedric Lau

还记得上年采访《Plan B》开镜仪式时，陆骏光向记者亲述自己因为漂染一头白发而甩头发，当时他指自己好怕自己从此变成M字额。在大半年后的访问当日讲起此事时，变回一头黑发的陆骏光便指自己额角，似是放下心头大石说：“你睇睇，开始生返啲毛仔出嚟喇！”男人最应该坚守的界线──发线，他亦能为演戏暂时放下，可想而知他在这个方面的确可以去得比其他人更尽。“我真系冇乜底线㖞。”但其实他心里面却有另一种顾虑，便是害怕自己未够成熟去掌握到角色，以及饰演完毕后带来的后果：“我拍完《PG恋爱指引》后，真系好似少咗嘢做咁，有人就同我分析套戏系咪太激，好容易俾人觉得我就系演𠮶种戏嘅演员。第时人哋我认识多啲，知我为咗做戏先冇底线时先接，我可能会比较大胆啲。不过，我啱啱拍《G-杀》都有露到Pat Pat。”

在无线Hea足9年：有人因为咁而话过我

可能大家只记得陆骏光肯为角色拚搏、为艺术牺牲的一面，但曾经有一段时间他也不太了解自己想点，日后的路应该怎样行，在无线工作的9年绝大部分的时间是“Hea住过”，每天只求背得出剧本，帮手出席宣传活动时从不化妆、梳头，只当自己是识行识走的布景板：“其实当时我同郑俊弘、麦子乐佢哋有个群组，𠮶阵大家都系Nothing，好似畀公司投闲置散咁，我哋就喺度谂其实点解自己唔红，谂谂下就觉得其实系自己未Ready，即系就算畀个主角你做，要你做访问你都唔识答人。𠮶9年我都系业余心态咁，凌晨队公仔面又唔介意，踢拖返工又冇所谓，好颓好Hea，有人因为咁而话过我，我就话佢畀咁嘅人工就系咁返工。”

因为爱煲剧去学戏　入行后自信心变零

其实陆骏光一开始并非是个得过且过的人，在加拿大成长的他就指自己小时候便是收睇无线剧集录影带长大，每次煲剧更是一次过睇十集不愿熄电视休息，看着看着眼前的大牛龟电视，“要成为演员”这个想法便慢慢在心里面形成。回港后，他便考入演艺学院修读两年的戏剧文凭课程，之后再雄心壮志顺势入读无线的艺员训练班：“但其实学戏同做戏系两件事嚟，读完出嚟我觉得自己系好屎，太多嘢要兼顾，讲句对白都讲唔掂，自信心跌到去零。”陆骏光亦直认自己其实是“Hea底”，虽然的而且确在演艺学院出身，但事实上该两年时间完全是“Hea住读”：“可能同我冇乜负担有关，我系𡥧仔，有两个阿哥，系去到过咗去HKTV后先开始识做运动，等自己有正能量啲，谂谂下先发现人哋唔用你唔关人哋事，系我自己冇搞好自己。”

你问我呢几年点样，似唔似预期，其实系不似预期。

入港视至开窍　“半泽”无助上位

“到我入咗HKTV嘅时候我就开始真系紧张喇。”陆骏光之所以肯发力，其实好主要是危机感，他坦言港视当时虽然好像不断有剧集出街，但其实大多数都是一早拍定，中段有一大段长时间是完全停摆，有监制口头上请他演某某角色，隔了足足十个月后而且未成事：“我哋唔系傻，知道个牌真系未得，如果真系唔得，我哋就真系返唔到转头，喺个海度唔知飘咗去边，所以𠮶几年我觉得自己要做得好好，先至可以继续行落去。”虽然他在2013年于反对政府不发牌予港视集会中，因扮演港版的半泽直树而慢慢为人认识，但他其实并没有为此而得到很多“着数”：“呢几年都过得几唔顺，我拍《Plan B》之前都经历过咗啲唔开心嘅嘢，拍《Plan B》前我拍咗（网剧版）《无间道》，个角色喺初段系冇乜嘢搞，开工开咗80几日，差唔多有成5、60日系我由朝等到晚，埋位净系埋得一阵间。好开心后尾导演慢慢加嘢畀我，我临尾一集有我喺泰国走佬救大佬最后俾人杀咗嘅戏份。不过，拍完《无间道》，我又变返冇嘢做，等咗成四个月。”

主动出击搲角色：因为唔知几时有工开

等了四个月，黄国强执导的网剧《东方华尔街》找陆骏光出演主角吴镇宇的副手，另一边厢亦有第二套剧找他开工，很想完成到两边工作的他却因为档期问题，只能接拍《东方华尔街》，得失了另一套戏的剧组：“估唔到呢件事令到大家都唔开心，我开始觉得做演员太被动，被动得好紧要。”他“转守为攻”，认为等待机会绝非好事，开始“揾窿路”找寻演出机会：“当时我仲未Confirm拍《东方华尔街》，咁啱又知道《狮子山下2017》嘅PA同副导演我都认识，我好主动同佢哋讲想做角色‘黑哥’，问可唔可以去𠮶个Casting。我好耐冇做过Casting，我喺TVB系唔需要Casting，而Casting系一件好辛苦嘅事，系一个不断怀疑自己嘅过程，俾人挑选、俾人由头望到落脚系好唔舒服，但系𠮶一刻我觉得我需要咁样做，因为我唔知几时有工开。”

其实《Plan B》呢个角色我都系系Cast返嚟。

做主角是梦想亦是痛苦之源

“同一时间，有个制片朋友，以前TVB同事嚟，佢同我讲ViuTV有套剧揾人，所以我就约咗Danny（陈炳铨）同埋James（孔令政）喺旺角某个地方见面，𠮶刻我都未知道佢哋系揾咩角色，只系当主动啲识下朋友咁样。”但是与两人见面后不久，陆骏光便收到该位制片朋友的电话，指孔令政主理的剧集想找他斟一斟个价钱：“我话‘可以呀，依家系做咩角色呀’，‘做主角呀’，‘吓，个主角系做咩？’”

终于一圆主角梦的他其实一早明白“追主角”这件事是非常痛苦，正当他学习放开这种执著，机会便随之来临：“我记得之前罗冠兰老师喺港台一个节目做分享，个题目系‘最佳配角’，我都喺个节目里面，我系演员角度嘅配角，我话我一直都好想做主角，罗老师就话咁谂系好痛苦，如果个角色系好玩、有挑战性，佢自己就觉得就算唔系主角都会去做，令我突然‘叮’一声。我谂我呢种执著系因为我十几年都投闲置散。当然啦，我都系好想做主角，不过角色好出，我都好想做。”

入戏到吓亲街边阿婆

讲到《Plan B》本身，戏中癫癫丧丧杀人不眨眼的陆骏光便笑谈一件因为过分入戏而引发的小趣事，他指有一日自己落街带狗散步，行至公园时，便一边用手喂爱犬进食一些狗狗可以食用的饼干，一边用脑想像“阎罗”这个角色：“突然有个阿婆拖住佢只狗行埋嚟，好好奇咁问我，‘乜你啲嘢可以畀只狗食’，觉得我好似害紧我只狗咁，我唔知做乜嘢好入个角色度，就望住个阿婆话‘我养咗佢八年喇，我要杀佢唔系今时今日啦’，吓到个阿婆走咗。”他笑指自己回过神来后先知自己“上身”，不似平时的自己，又觉得吓亲阿婆好开心，自觉有些少变态。