邓紫棋生日男友闺蜜送惊喜　齐齐Rap妹上身扮阿G.E.M.

歌手邓紫棋（G.E.M.）近日为节目内地选秀节目《中国新说唱》担任导师，唱功再次受到注目，而佢近期都为配合节目，行女Rapper造型。今个月16日系佢26岁生日，一班好姊妹包括王君馨、钟舒漫、钟舒祺及女友人就为佢提早庆生，几个女仔非常有心思，日前打扮成Rap版“邓紫棋”去到G.E.M.屋企楼下，突袭送惊喜畀寿星女！

四个女仔照足阿G.E.M.近期嘅Rap妹造型，整个黑人辫仔头，着上格仔衫同戴上太阳眼镜，Chok晒Pose喺走廊影相，好似有五个邓紫棋咁。阿G.E.M.喺IG留言话好惊讶门钟一响就见到佢哋：“四个邓紫棋突然出现在我门前😱#今年生日的第一个惊喜#全都是紫棋#中国新闺蜜#紫棋说得对”而负责揸机嘅就系阿G.E.M.嘅造型师男友Mark，钟舒棋仲大爆话“阿Mark 都系邓紫棋”，睇嚟连男友有同成班姊妹夹定呢！