【多图】TVB剧《杀手》角色造型好突出 美魔女演凤姐入晒格
无线新剧《杀手》今日举行造型记者会，女主角李佳芯电了爆炸头，外型同《ＢＢ来了》及以往的角色好唔同，不过最爆一定系江美仪，剧中她饰演深水埗鳯姐，今日更以窄身护士衫造型出席记者会，她说：“剧里面角色，我系“一楼一”嚟，我真系走去访问过佢哋，我直接去佢哋工作地方访问嘅,，我同佢哋倾偈，佢哋话都会著呢啲制服或者cosplay，我有编剧同我一出去嘅，咁我话套剧都可以加呢啲㖞，所以我会有护士、漫画呀、OL嘅造型，我假发都有好多个，我真系第一次著护士衫，仲要件衫越改越窄。。。。”
江美仪深水埗鳯姐造型逐格睇
江美仪为了这个角色，四月已开始做功课：“我睇咗好多书同访问，其中一个港台访问，就访问了一个姐姐仔，我发觉佢哋嘅讲嘢方式，同我想像好唔到，我就想同佢见下面，咁啱个访问主持系陈倩扬，我就打俾佢，叫佢帮我联络下，咁原来个访问系姐姐仔会安排嘅，我就写咗电邮去姐姐仔会，就话我要为我新剧嘅角色准备，你哋可唔可以俾我访问呀？佢哋又回我呀，跟住就安排咗访问喇.....我记得有件趣事嘅，𠮶日去到“俾个地址嚟，我自己上去啦”，５分钟后佢whatsapp我，“江小姐呀，妳都系知名人仕，呢啲地方真系唔适宜妳自己一个走上嚟，不如妳戴个口罩同帽，我带妳上嚟好吗？”呢次之后我仲同佢做咗朋友，我而家啲造型都会send俾佢睇睇。”
除了江美仪，龚嘉欣Rock女造型亦令人有惊喜、她说：“我平时畀大家形象同感觉都会好女生或者好sweet，今次铲青，我都有啲接受唔到，但我都会做，做演员系要尝试唔同事情，好彩大家都话好正。”但呢一个打扮会唔会似外国Cosplay？嘉欣直言：“宜家好少照镜，都系大家睇得我多。”
除了江美仪、龚嘉欣外，男星就以何远东最出众，一身造型原来饰演时装设计师，东东更笑言呢一身打扮系向陈山聪致敬。讲番剧中角色，虽然东东表面上系时装设计师，但暗地里系一个杀手中介人，即系高层，所以东东讲明今次会玩好多手段。
《杀手》各演员造型都几有心思，绝对唔系以住无线剧的格局，大家可以睇下