《杀手》李佳芯转型学做杀手？ 原来师奶都可以职业杀人
撰文： 赖家杰
出版：更新：
TVB 新剧《杀手》周二（7日）公布造型，剧中女主角李住芯（Ali）电了曲发及师奶装束出现，Ali角色系演啲乜呢？Ali回答：“今次我饰演一个妇孺，已经有一个十一岁儿子，但身边围绕好多杀手，因为系一个杀手世界，所以自己都要为揾钱养家，因为有个儿子，会周围打工啦，去到最后识咗陈豪，然后发现佢系杀手，我都做埋帮凶。”
公布造型时候，江美仪、龚嘉欣及何远东等人造型相当突出，Ali比起嚟相对普通，Ali自己又觉得自己造型如何？Ali直言头发最爆：“因为电咗个头，希望岀到嚟效果会好，我唔想带太多假发，叫做转新形象，因为头先好多人都唔认得我，希望系好事。”但一头曲发Ali觉得自己适唔适合先？Ali表示紧系话自己乜都得：“其实需要用一啲时间说服自己，我都未试过做戏要整咁多嘢，之前做戏最多都系电发，今次又要带眼镜又要电头发，我都未试过做戏要有咁多事兼顾。”
李佳芯与陈豪已经唔系第一次合作，Ali同陈豪系咪已经合作无间？Ali否认呢一点：“咁始终唔同角色，不过之前合作过有基本默契，系好事。”讲到《杀手》呢部剧打斗场面亦好多，Ali笑言自己并唔需要打太多，打戏方面交番畀佢哋，Ali透露自需要学一件事：“我成日做被人打𠮶个，我唔系做专业杀手，我最紧要学点样跌倒，因为好多场口都要我跌倒或者趴低。”