陈小春再同Jasper亮相《爸爸去哪儿6》：佢好想再玩呢个节目

撰文： 赖家杰
出版：更新：

陈小春周一（6日）现身西贡片场为新歌《Stop angry》进行拍摄，点解会叫呢个名？就系上年《爸爸去哪儿》小春儿子Jasper同小春讲咗一句：“Stop angry”所以令到呢一首歌出现。现场更有爆破场面，原来爆破背后亦有一个含义，小春解释：“因为好多时有啲脾气要忍忍，当然要爆嘅就爆，不过唔好当面爆而要喺后面爆，𠮶个愤怒又好情绪又好，千奇唔好系小朋友面前，我已经学识咗，唔好令到小朋友惊咗自己。”听落小春因为Jasper收起自己火爆嘅性格，不过小春笑说自己仲系学习做爸爸阶段。

陈小春新歌《Stop Angry》呢个名字起因，全因儿子一句Stop Angry而出现。（梁碧玲摄）

小春同Jasper再度出发拍摄《爸爸去那儿》第六季，早前去到青藏海拔高源拍摄，小春更喺社交网站发布一张要带氧气罩照片，拍摄过程系咪好辛苦？小春指以前去5千6千米都冇乜特别，讲番今次感受：“今次由0杀到上4千几米落飞机，条气有少少唔顺，发生咩事呢？然后整整下吸咗氧气食埋当地嘅药就冇事了。”但今次拍摄带埋Jasper去，好多网民觉得Jasper好辛苦好惨。小春直言：“小朋友通常就唔会有高山反应，佢唔辛苦，佢成日住系城市，未睇过出面世界发生乜事，有机会去睇下，加上佢放暑假Ok嘅。”小春慨叹最辛苦𠮶个系佢，因为拍完仲要帮囝囝冲凉洗面一脚踢。

小春之前拍摄《爸爸去那儿》去到青藏海拔高原拍摄，佢直言最辛苦系佢，因为又要照顾埋Jasper。（梁碧玲摄）

有报导指小春今次以3500万人民币天价接拍接下工作，对于酬劳方面小春完全唔知道几多：“我唔知道几钱，呢啲唔系我倾，我夫人去倾，唔系话完全系价钱问题，咁Jasper又好想再去玩呢个节目，节目组又揾番佢，咁咪当放下暑假。”

问到应采儿担唔担心小春照顾唔掂Jasper？小春笑言上次拍节目都系我照顾，冇问题。（梁碧玲摄）

《爸爸去哪儿6》未知几时上映，睇住剧照先啦

+2