【卢凯彤逝世】惊闻Ellen离世恶耗 森美哀悼：要多关心身边朋友
撰文： 赖家杰
出版：更新：
森美今日（5日）下午出席眼镜品牌活动，森美出席呢一个活动原因系因为想帮奥比斯筹款，所以今次除咗现身支持外佢讲到自己第一次设计太阳眼镜，卖到嘅钱全数捐畀奥比斯，十分有意义。
今早卢凯彤坠楼身亡，森美早上得知呢一个消息时候坦言感到唔开心同好惋惜：“我哋圈外圈内都将呢个新闻互相通知，同一时间我都叮嘱身边朋友，好多时候Facebook或者IG有朋友Upload新Post出嚟大家以为同佢接触紧，我觉得要多啲亲身打电话去同佢哋倾吓偈，关心吓大家，可能有啲人会话情绪病就咁倾偈都帮唔到，但有两件事情会帮到，就系同佢哋倾偈会令到想法会正面啲，知道呢个世界有人关心，第二系听到佢讲嘢好负面，你就要向起警号，所以我觉得呢一段时间身边朋友要互相鼓励，因为大家都好唔开心。”
森美直言与卢凯彤深入接触并不多，最多合作主要是访问。虽然外界揣测卢凯彤因抑郁而自杀，森美坦言仲未知道原因亦唔会妄下判断：“就算咩原因都好，关心身边朋友系应该，呢一段时间我觉得要关心身边朋友，因为失去身边一个人，你会感受到𠮶一种痛，任何原因都好，大家唔想失去身边任何一个人更要关心佢哋。”