吴业坤誓要变肌肉男：以张家辉《激战》身形为目标
撰文： 吴子生
出版：更新：
吴业坤、邝洁楹周六现身将军澳《夏日松松游乐园》活动。两位型男索女更大展歌喉，获现场粉丝力撑支持，两人全程投入落力演出搏得全场掌声。
吴业坤（坤哥）近日身型越来越fit，喺咪想做男神？“近期做紧gym，因为之前我就觉得色艺俱全就够啦，觉得色呢样嘢可能我觉得冇乜所谓啦，但我又觉得作为一个全面啲嘅艺人，例如喺拍剧集嘅时候，做唔同嘅角色呀，唔同嘅Fashion都可以做到，如果我再放任自己，我会觉得对唔住啲观众，唔喺话跟住呢个潮流，喺对自己嘅要求。”
坤哥透露自己体重曾达180磅：“喺我好努力之下减左10磅，有次见到徐荣佢话：“哇，你瘦咗成十几磅呀。”自己听到都好开心，个变化人哋喺睇到，所以我希望推动大家去做运动，其实每次睇到有成绩，就会好有动力去做呢件事。”终极目标想练到好似张继聪、张家辉健硕身形？“两位个身形我都好钟意，张继聪好Man好大粒，自己都想练到张家辉咁嘅身形，好收身𠮶种肌肉男，依家向住呢个目标进发中。”