【港姐2018】23岁杜爱恩爱情经验值零：几时拍拖就交畀上帝
撰文： 林迅景
出版：更新：
《2018年香港小姐竞选》将于月底举行，而20位佳丽今日便应邀参加节目《后生仔倾吓偈》录影。为节目担任主持的两位港姐师姐冯盈盈和麦明诗一向转数高讲嘢叻，所以一班佳丽都晨早便预料到要被两人“质问”，所有私人事、感情事随时被“摆上台”。候选佳丽6号杜爱恩接受《香港01》访问时就直言不怕考验：“我谂佢哋都系问爱情同埋生活上嘅问题。（惊唔惊问到啲尴尬嘢？）唔惊，因为我都冇。”
讲到爱情、拍拖，原来23歳的杜爱恩仍然是“白纸一张”，她解释自己在学业和事业上都得到满足，所以没有接受别人的追求：“读大学嘅时候，都有人追过我，不过拒绝咗。”她又提起有一次被大学同学求爱的经歴：“𠮶时佢系送玫瑰同紫色嘅花，我记得𠮶次系做模拟法庭，我系做一个模拟嘅大律师，个男仔就系我上完庭之后，众目睽睽之下拎咗摘花入嚟，呢样嘢都尴尬嘅。（反而觉得尴尬而唔系感动？）系吖。（拒绝咗之后，个男仔有乜反应？）佢都系一个Gentlemen，佢明白咗之后就知难而退。”
杜爱恩更指自己35岁才考虑结婚问题：“几时拍拖呢样嘢就交畀上帝，不过嚟紧呢几年我都唔想拍拖。（唔惊太迟冇追求者？）唔担心多少，我觉得适合嘅一位就够。”
就系呢两位师姐出招“刁难”一班师妹：
+3