港姐司仪冇曾志伟？ 冯盈盈：呢个世界冇嘢话冇边个唔得
撰文： 吴子生
出版：更新：
无线节目《后生仔倾吓偈》，周五（3日）邀请二十位入围后选佳丽到节目进行录影。两位前港姐冠军靓女麦明诗、冯盈盈，一向以言论大胆出位贴地见称，被问到早前曾志伟言论话：“香港小姐竞选改咗制之后，又现场Live改为录影，惨不忍睹，其实记者传媒朋友一齐出埠报导，系可以让观众加深认识班后选佳丽，节目先会丰富。”
冯盈盈直言说：“其实今届港姐已经都有四十几年，我哋见到有好多新嘅尝试，想有新嘅方式，例如特别到上嚟《后生仔倾吓偈》其实都喺想有新嘅idea，睇下有冇新嘅火花出嚟啫。”旁边麦明诗话：“录唔录影呢啲就高层决定，唔太清楚啦，其实录影有录影嘅好处，好似《后生仔倾吓偈》咁，都喺录影，我哋唔喺每晚都会见到大家嘅，其实有时录影都可以剪多啲精髓出嚟，再者大家喺冇咁高压下情况演出，可能发挥得更好，未必唔喺一件好事啰。”
曾志伟从1995《奖门人》为无线打江山，曾做过多届港姐司仪创出佳绩，陈百祥都话：“佢喺为无线攞收视。”港姐冇咗志伟会唔会真喺唔得？盈盈话：“其实咁呢个世界冇嘢话，冇边个话唔得嘅，咁样我觉得例如过往呢一两年都可惜，志伟哥都唔喺度，冇参与到，都有令一种感觉都会有一定水准畀大家睇番嘅，反而有阵时太过执著强调佢要一定喺度，我哋就唔会有惊喜，反而试下新组合新人选，有新世代接棒，相信喺大家想要见到嘅局面。”