许家杰六位数接拍广告 预告骚六块腹肌只系基本嘢
撰文： 冼燕珊
出版：更新：
许家杰（Jack）同四（2日）下午出席TVB举办的8月星辰活动，Jack亦系月中生日，对于今年生日会点庆祝？Jack指早前要忙拍摄两部剧，宜家拍摄完毕，8月终于可以有一个小休息，“本来呢一段时间我想去旅行，但冇呢个机会，因为要拍摄《爱回家之开心速递》，自己8月中都有一个广告拍摄要除衫，所以好多朋友约食饭我都拒绝，过埋8月中我就可以去食饭。”
凭爱回家送水辉一角令到Jack工作上有更多机会，讲到佢自己接咗一个广告，酬劳更达到6位数，对于呢一个数字十分满意，而今次Jack要大秀肌肉，佢对于自己操弗成果十分满意，问到系咪准备秀六块腹肌示人？Jack回应：“其实呢啲系好基本，希望会再好啲，会有人鱼线，最好操到连块面都有啦。”
啱啱讲到生日，其实Jack嘅生日愿望之一会唔会都系结婚？Jack指暂时未有呢个计划：“虽然收入多咗，我都讲过有稳定收入都会考虑，但系同我目标仲有一段距离，希望今年再畀心机，可以接下来两三年会考虑。”