张继聪健身健心有办法：想健身唔可能一世清淡
撰文： 翁汉珑
出版：更新：
张继聪出席活动时分享健身期间的饮食心得：“其实食啲乜嘢主要系睇你处于边个时期，想要有啲咩功效，例如我有时为咗应付拍摄需要上镜啲，咁就要降低个脂肪率，所以修身阶段就会食得清淡啲。以我而家嘅阶段就系要食多D先够力举得更重，咁就需要食多啲，但都唔会太油腻，始终你食得太肥之后会好难减番，讲到戒口我最多都系少食甜品同太过油腻嘅嘢。”
张继聪更即场拆解健身谬误：“有啲人会话我要keep fit，所以唔食野，根本就冇可能，你可以唔食一时，但真系冇可能一世都唔再食，所以健身其实可以有cheat day，只要你系长期做开运动，就唔会一餐食肥你，可以每隔几个礼拜畀自己有一次一次任食所有野嘅机会，等你食够10球雪糕，开心返咯咪继续做运动啰！”他又呼吁市民：“普罗市民唔需要练到我哋拍野咁一旧旧，又爆晒筋咁，只要饮食均衡，长期做运动，咁就自然会生活得开心。”