【入住请敲门】曼谷医院失火后怪事连连 恐怖到连贼都惊呼撞嘢
撰文： 邝钰莹
出版：更新：
《入住请敲门2》播到第13集，今晚莫竣名去到一间位于泰国Navanakorn嘅荒废医院，唔少茅山师傅都话过医院比坟场更凶猛，有传呢间医院曾经因为失火而烧死好多人，之后唔少医生同护士都因为接连遇上怪事而离职，医院虽然荒废，但就有好多贵重嘅仪器留下，负责嘅看更话试过有贼人因偷嘢而跌到断手断脚，亦有试过跑住落嚟话见到‘有嘢’……医院如此出名，唔少灵探节目都曾经入去探险，有主持人试过不适大吐后，发现衣服背后有大量白色液体，亦有主持人在医院内照镜时，见到镜中出现一个老年男人……
话就话猛鬼，但呢间医院嘅地面一层其实仍在营业当中，莫竣名接受访问时都话十分佩服经营者，因为只系一层楼梯就已经系另一个世界：“佢哋住埋在该处，唔知点解咁大胆，但我见摆咗好多佛像，我怀疑佢哋都知有几猛，但问佢哋又话无嘢，仲叫我哋唔好谂咁多，唔知系扮定乜。”莫竣名又表示院内有唔少玻璃樽，“入面有啲烂溶溶嘅嘢”，虽然在内未遇上怪事，但他指感觉麻麻哋，并谓气氛都几恐怖。
有马来西亚电视台去年就曾经进入猛鬼医院灵探，两位主持人事后都感到身体不适
+4