想学钟浠文影相零死角？3招教你变IG女神

模特儿钟浠文 (Zelia) 昨日 (31日) 出席护肤品活动时，分享了自己影相时的秘技。Zelia经常在ig发放女神图，究竟怎样才可以塑造出“零死角”的靓样呢？Zelia教落：“第一，要了解清楚自己块面系咪对称。有啲女仔一边面大过另一边，有啲女仔骨位唔对称，所以影相时要识就位。第二，影相前除咗要化好妆set好头衬好衫，最重要系放头发！而且要顺住风吹嘅方向影，等头发迎风飘飘下，好有仙气。”第三个贴士和平日保养有关，就是过二十五岁后要日日敷mask，补充水分同胶原蛋白。做齐三个step，自然做到和Zelia犹如零死角般的效果，做ig女神不是梦！

Zelia经常在ig派福利，皆因上半年密密去旅行：“我由一月开始就每月都plan一个旅行，想去嘅地方喺上半年都去哂。”原来Zelia的美图大多由男朋友操刀：“佢畀我培训咗做摄影高手，因为我哋见到成个沙滩都系男朋友帮女朋友影相。我觉得只有男朋友先捕捉到女朋友最soft，最温柔同最幸福嘅一面。”去完旅行叉完电，亦是时候重新投入事业。Zelia说现在除了模特工作外，也有培养写作和摄影的习惯，希望未来可以出书。