【BB来了】40岁Keep得似后生女　姚嘉妮唔会出写真：我无身材

剧集《BB来了》饰演陪月员朗朗的姚嘉妮，因为角色鲜明加上保养得宜而令风头盖过饰演其妹的高海宁。姚嘉妮感谢观众能够接受到自己演“过气MK妹”，称自己的确有落足心机去演呢个角色。

【BB来了】39岁姚嘉妮大骚长腿　Keep住手脚纤幼靠呢几种运动

姚嘉妮今次与吴家乐饰演嘅角色有爱情线，被网友大赞浪漫。姚嘉妮就透露：“我同家乐今次都好得意，嚟紧结局篇会有惊喜俾大家，大家可以拭目以待。”

即将迎接40岁生日，姚嘉妮就透露会继续做廿四孝妈咪：“依家啲生日都俾晒小朋友，只要切个蛋糕同佢哋一齐过就已经好开心。啱啱又同小朋友去完加拿大，所以都会留返喺香港过。”她亦笑言拍完《BB来了》几乎所有观众都知道她的岁数：“踏入另一个字头，我OK嘅，我接受呢个年龄。我唔觉得自己老，依然好有活力，而且要成日陪小朋友，更加要Keep得好。”问到最近被赞Keep得好，会否考虑出写真留倩影，她笑言：“唔会，我无身材。我只系好钟意做运动同跳舞，咁样我都开心啲。”

对于吴家乐外父周亦卿病逝，姚嘉妮就坦言未有收到消息，但希望家乐保重，节哀顺变。