【开心速递】主动追求熊若水？　张景淳：龚烨系行动派一定会出招

张景淳月前已经重返了《爱‧回家之开心速递》剧组，令一众剧迷都好期待他的演出，今晚 (8月1日) 他饰演的龚烨终于再度出场喇。他会延续同熊尚水 (吕慧仪饰) 的感情线，由之前的冤家发展成极有好感暧昧关系。而一出场呢集为了接近若水兼测试若水可唔可以共患难，仲不惜瞓街。问到龚烨可会主动出击追求若水，景淳说：“阿龚系一个行动派嘅人，同埋佢所有嘢都好主动，所以一旦佢觉得有嘢想做，觉得应该要做，咁佢其实都唔会考虑㗎喇，一定系会采取行动出招。佢离开同返去威龙百货都系因为若水，所以佢必定系会做啲嘢喇，一定会成日去接近若水嘅。”

至于阿龚有无信心争赢落力追求若水的曹总 (刘一飞饰)，景淳说：“我觉得曹总好多嘢都系用钱嚟令人去做某啲嘢，如果要斗钱，阿龚绝对唔会够曹总斗，但如果大家都无钱嘅话，阿龚嘅手法绝对优胜过曹总嘅。会唔会同曹总争过就要睇编审嘅安排喇。”提到剧中好受欢迎的CP：大小姐 (林淑敏饰) 同送水辉 (许家杰饰) 以荧幕情侣档接Job揾真银，景淳同吕慧仪当然都想好似他们一样啦，他说：“其实我哋两个都一齐拍咗个广告，迟啲就会出街。”