【不可思议的妈妈】蔡少芬亲见女儿懂得分享：佢两个令我好感动
撰文： 林通贤
出版：更新：
蔡少芬(Ada)今日出席荃湾化妆品牌宣传活动。已是两女之母，皮肤依然亮丽白皙，不单止她有护肤心得，原来成家都很贪靓，她说：“每日都会搽精华素，搽面霜保湿，我个女都会攞我啲护肤品用，都会畀佢搽少少，始终小朋友用啲比较温和产品适合啲，连我老公都用我啲护肤品用，哈哈。”
早前Ada上内地综艺节目参加《不可思议的妈妈》带同两位爱女亮相节目。“我上呢个节目，好想趁呢个机会，拍低同两个女相处嘅回忆，我之前睇过呢个节目，好用心为小朋友，编排得好好，我成日都好想有几部机跟住佢地，佢地去做一啲野，而佢地又唔识得处理，但我又放手交畀佢地，有啲哥哥姐姐跟住佢，我就可以安心啰。”Ada又话：“好似拍摄时有一幕，见到阿妹跌咗杯雪糕，家姐走过去同阿妹讲：“我畀你食呀，我地齐食呀。”原来我睇到佢地两个相亲相爱。”
小朋友日渐长大，做父母亲需要为小朋友培养价值观。“我会同大女讲，我会鼓励佢，你睇一本书我就会畀一蚊你，你去旅行有几多钱，就用几多钱买嘢，家姐就会好用心去睇，希望佢用自己嘅能力，学到野又可以赚钱。”