【到此一游．台北】陈敏之唔肯食臭豆腐　区永权被迫食晒三嚿

由陈敏之同区永权主持一连十集嘅旅游节目《到此一游 台北》，今晚将会播放最一集。节目中虽然介绍了不少当地人先会知的“贴地”景点，但最引起讨论反而系敏之在节目中种种的“港女”行为，还有唔少网友戥Albert 惨添。有得去台北又食又玩，有咩咁惨先？

罪证一 唔背稿

有睇节目嘅观众不难发现，有关资讯性的部分都交由Albert把口讲出，而敏之就会系旁边比下反应就算，睇嚟Albert几乎要背晒啲稿噃。

罪证二：唔出外景

天时暑热，台北更加唔洗讲啦！有网民发现节目中大多数的外景，都系交由Albert单拖介绍，而有敏之出现嘅地方通常都会有冷气。

罪证三：怕肥唔食嘢

明明敏之同Albert身形一样咁fit，但Albert永远都要以“大胃王”身份，挑战巨形寿司同大碗面等各种食物，而敏之只系负责计时同叫佢食。而在最后一集，敏之亦借话要考Albert味蕾，一粒朱古力都无食过。

罪证四：怕臭又唔食

节目其中一个环节系去品尝全台湾最臭的臭豆腐，但敏之闻到臭味时已面色一沉，更坚拒做“白老鼠”。难为Albert要一个人顶晒佢，仲要俾敏之嫌弃口臭添。

Albert为敏之澄清：一早夹好晒

对于网民声讨敏之做主持唔专业，Albert就话要为敏之澄清：“其实敏之𠮶段时间要赶住返香港开剧，拍摄嘅期只得17日，而我就留咗21日，所以有啲部分先会交由我一个人介绍，为咗节目流畅，先会讲笑话敏之要keep fit所以唔去夜市。”有网民质疑敏之唔肯背稿，Albert就话分工其实好公平：“啲网民咁得意嘅，其实好公平嘅，拍之前分好晒。”

为表达“臭” 敏之先唔食臭豆腐

至于被人闹得最多嘅臭豆腐，Albert就讲笑话：“其实真系好臭，啲味好浓烈，画面又好难交代点臭法，所以先夹好晒由我食，敏之唔食。虽然食之前都觉得好难顶，但食落就唔系咁臭，都几好食，好多朋友都有问我攞地址话要去挑战下。”Albert仲话同敏之因为节目而成为好朋友，所以好希望节目可以开第二辑，再同敏之合作添。

识睇一定睇留言，睇图喇！