【后生仔倾吓偈】冯盈盈宅女Look劲掂　人形揽枕任人咀：好想要返

由冯盈盈（Crystal） 、麦明诗 （Louisa） 以及陆浩明主持的无线节目《后生仔倾吓偈》，昨晚播出的一集以宅男宅女为主题，三位主持同一班大学KOL齐齐以家居Look示人，其中就以Crystal的一身宅女造型最突出。Crystal穿上4年前自己有份设计的大学Tee，加埋一条未剪吊牌的家居裤，加埋扎辫、headband同小云眼镜，真系入型入格，成个宅女咁样。原来她的确有宅女的一面，仲话呢一身打扮就系平日在家所穿着的，还自爆：“重点系咩呢，我今日无做到，就系返到屋企唔戴Bra！”又再展现出open的一面。

Crystal话自己都钟意追剧同追动漫，仲会睇到唔理男朋友，当对方打电话给她时会话：“我睇紧剧呀，你死埋一边先啦。”而昨晚那集另一爆点就是出动了Crystal、Louisa以及波波三位靓女的人形揽枕，以供节目中的一班“毒男”拣选心仪的揽枕做出三个好“毒”的动作，众仔仔又咀又夹，Crystal见到自己任人鱼肉，即呱呱叫，表现得好肉紧，场面爆笑，Crystal话要keep返自己那个。她都有于ig上载了她揽住自己个人形揽枕的靓相。问到Crystal个揽枕依家喺边，她说：“喺公司道具组度呀，因为系公司嘅财产嚟，我同Louisa都有表示过可唔可以畀我哋自己keep返，送畀我哋都唔得呀。”

一齐再睇下呢集嘅搞笑片段，同埋FYY啲靓相：