王浩信公开爆肌秘方 唔靠奶粉同鸡胸:我食斋!
撰文: 吴子生
出版:更新:
王浩信现身出席尖沙咀著名汽车品牌发布会,品牌亦安排了《职业特攻队:叛逆之谜》首映同大家率先欣赏。王浩信身穿西装外套,也掩盖不了他的澎湃身躯,身形比之前更fit,肌肉型男的美誉当之无愧。
为了配合演好无线剧集《解决师》中的角色,王浩信不停苦练操肌,务求短时间内达到最佳状态:“本身个角色系一个杀手,要经过一啲军人嘅训练,所以我希望尽量喺身形方面练到好似军人嘅效果,所以我会去做gym,同埋喺格斗方面练习,想拉近个角色,想增强自己嘅说服力,同时可以挑战自己。”
相信每个男士都好想拥有王浩信的身型,但要成功真系唔系一朝一夕:“本身自己以前都有玩开健身,由我拍《飞虎》嘅时候,己经爱上咗健身呢个运动,其实又唔可以短时间练到,健身真系要长年累月咁累积返嚟,但随著唔同角色有唔同需要,所以同上一套剧反差好大好唔同,之前系演一个拳手,身形好干身。”喺饮食方面,需唔需会戒口呢?浩信话:“其实系呢段时间我系食素,反而我喺拣食物方面,要谂下边一啲食物啱我食,要下多啲苦工,以前就会食鸡胸肉,依加素食,要计算卡路里,所以依家我有另一套计算方式,等我再专业啲再同大家分享。”