张建声冒雨去珠海考赛车牌　两年无揸车向李万祺拜师速成

唔少男士钟意刺激追求速度感，不过喺街上飞车系犯法㗎嘛，唔少人都会近近地到珠海赛车，钟意揸几快都得啦﹗兴趣多多的张建声（Justin）最近都抽空去珠海学揸赛车，虽然学车时突然落大雨，影响驾驶的能见度，但亦无阻考取赛车牌嘅决心，最终仲一次合格考到车牌，令Justin大叫感恩！

Justin拥有车牌多年，但平日极少揸车，所以今次去考赛车牌都有好大压力：“我已经有两年冇揸车，去到赛车场上堂先知好大压力，因为车内设备、服装、揸车时入弯路线同埋要记住地图，最重要系要听教练讲，好彩今次两个师傅系李万祺同Sam哥，佢哋都好有经验咁带领我。”

要考赛车赛都唔系轻松事，过程要经赛车会考核同批准，再去赛车场考三个环节，虽然如此亦无阻Justin考赛车牌嘅决心：“考赛车牌好大原因系希望将来喺电影拍摄度用得着，仲有系因为从小嘅愿望系想突破自己，虽然去到第三节时突然落大雨，但都冇影响到我考车牌嘅决心，因为考牌师傅讲就算几大雨都好，一日未挥黑旗，车手都要不停斗落去，感觉好似人生不断战斗。”