张秀文赞自己厨艺好娶得过 大赞素食菜式口感一流

张秀文（sammi）最近忙于主持饮食节目《深夜美食团》，她出席活动时谓：“我自己平时多数买外卖返屋企食，平日做完嘢已经好攰，唔想再去洗嘢切嘢，但系如果假日时叫朋友上屋企玩就会自己煮下𩠌，落街市买啲肉买啲海鲜，就咁简单煲下汤烚下已经好好味。”谈到厨艺她显得十分有信心：“我自己细细个已经系一家之“煮”，成日着住校服落街市买𩠌，如果要我评价自己嘅厨艺，咁我会话“娶得过”！”

《深夜美食团》已经拍至第十七集，作为主持之一的Sammi有没有因为拍摄饮食节目而体重暴增呢？她回应：“因为一路我哋都keep住拍未停过，所以我都唯有一路Keep fit去对付一路keep fat，我仲试过因为食海鲜食到水肿，所以临时转左做素食主题，不过做完之后先至发现原来依家素食菜式口感真系好好，虽然只系一啲菇，但完全可以做到咬落有肉汁，色香味俱全，绝对值得推介！”