Ana R.同JC生完B后变得劲大食 唔通平时喺屋企食唔饱？

两位混血名模Ana R.同Jessica C. (JC) 唔止好老友，就连生B的日子都差不多，继两人年前差不时间分别生了个囡囡后，今年两人又是差不多时间生第二胎，又咁啱两人都是生仔仔，各自凑成一个“好”字，分享凑仔经自然成为了她们的最大乐趣之一，扮靓、行街shopping都一定唔及凑B重要。

上星期Ana的妈咪远道从美国来港探望Ana一家，同经已三周大的孙仔Ryan第一次见面，由于外国人产后无坐月的习俗，所以昨日Ana就带住一对仔女同妈咪去茶楼饮茶叹中式点心，仲叫埋好姊妹JC一齐gathering。而Jessica亦带埋仔仔Elvis同行。

Ana同JC一见面即刻鸡啄唔断，由于两位靓妈都系喂母乳，兼各自都要喂给一对小朋友，所以她们一讲到喂母乳的话题即异口同声表示：“我哋长期觉得肚饿，食量比正常人多，突然变得特别大食。”为了喂哺母乳，两人成日都食极唔饱咁。另外，JC又大赞老公安志杰好帮手凑B：“好庆幸Andy呢排唔使工作，不时帮手照顾小朋友，令我轻松唔少。”