【天命】谭俊彦拍剧患情绪病：我开心唔到 希望太太原谅

谭俊彦加盟无线后,拍摄首部剧集《天命》，凭戏中“嘉庆”一角，深受视迷赞赏。“好多谢观众欣赏呢套戏，一部电视剧里面有三百至五百场戏，好难确保每一场戏都系经典嚟嘅，咁一定会有啲地方演嘅时候会攰啦，跟唔上节奏啦，自己会睇番边度演得唔好，希望下次会再做得好啲啰。”

从事演艺生涯已有18年，谭俊彦经历过人生底谷，试过三更穷五更富的日子，爸爸（狄龙）曾经极力反对加入娱乐圈，但仍阻挡不了谭俊彦对演艺的热诚。“爸爸有睇我呢套剧嘅演出，不过佢又唔会畀意见我嘅，因为我有剧本系手，佢又冇，所以佢从来都冇限定我一定要点样演戏，好似戏里“嘉庆”一角有躁狂症，杀完老豆，又返入宫中搞大妃子个肚，剧情好乱，我睇剧本就系要捉呢个point。”

因拍内地剧《冰酒窝》与太太任祉妍结缘，如今已是两孩之父，最近拍摄无线新剧《十八年后的杀人的告白》令谭俊彦情绪起伏不定，影响了家庭正常生活。“拍呢套剧好影响自己情绪，呢个角色性格上系阴沉，所以开心唔到，而且经常要拍一啲喊戏，仲要走去杀人嘅戏份，自己觉得有少少情绪病，希望快啲拍完，可以尽快delete呢个角色，但因为仲演紧呢个角色，仍然有情绪病，因为回到家中，我仍冇法表现得开心，希望太太原谅。”