【非一般旅程】黑帮杀手坐狱后旅游KOL 　日日爆团游览黑帮景点

去旅行去到尽，不过应该无人有《非一般旅程》(Dark Tourist)的主持David Farrier咁尽，喺节目中David带大家向世界出发，不过唔系教大家饮饮食食或者边到打卡呃like，而系去一啲你估唔到，但又劲想去嘅地方，好似去印尼睇清洗木乃伊，或者参观全球最恐怖乐园Mckamey Manor感受死亡，首集带大家游南美已经好过瘾，尤其墨西哥，当地出名多毒枭，帮会仇杀，但估唔到原来呢个系旅游商机，仲搅埋毒品之旅，表演“杀人”，更加估唔到搅呢个旅行团系一个杀过２５０人嘅黑帮杀手。

John Jairo Velásquez 绰号Popeye当年系哥伦比亚大毒枭Pablo Escobar的御用杀手，为大佬杀过２５０人，亦坐过２２年监，估唔到而家变咗墨西哥旅游KOL，除咗开埋Youtube 频道讲自己“威水史”，亦搅埋local tour，旅程就系当年墨西哥毒枭出没嘅地方，边到杀人，大佬别墅有几奢华，Popeye仲做埋导游声音导航，不过最抵死系Popeye每次旅程都有助庆表演，就系重演佢当年点杀人，每次旅程都会揾拍档做场大龙鳯俾旅客睇，虽然场戏好简单，Popeye同个媒讲两句，就抢杀对方，但由于Popeye以前真系杀手，就算做戏都好迫真，连主持睇到都惊。

毒品之旅有乜玩？可以睇以下图辑

除了毒品之旅，David亦带大家参加偷渡，究竟由墨西哥偷渡美国会遇到咩危机？原来呢个又系local tour，全程６个钟，经历被抢劫，山贼，仲要爬山，最精彩系尾段，又差人出现，仲会将你压喺地下拘捕你，当然全部都系演员，所经历嘅都系目的原来系话俾人听偷渡系没有好结果，哗，原来咁有教育意义，盛惠５０美金一个人，近年无线都好钟意搅旅游节目，唔知会唔会参考下呢？

墨西哥模拟偷渡美国，究竟有咩玩？看以下图辑